Paqariy ruwasqapi churanku papa Francisco y perumanta puqllaqkunata
Paqariy ruwasqapi churanku papa Francisco y perumanta puqllaqkunata

Navidad ukhupi, Arequipa runakunan walaykun, yuraq llaqtapi, hatun plazanpi llimpikuna tullpikun, puka q'umirpiwan, yuyasqa k'ikllunkuna munay trineokunawan, mallquiwan K'anchaykuwan munayta. Ichaqa policiakunaq paqariy sayarichisqankuqa allin suyasqan kunan killa.

USE nisqamanta qanchis policiakuna, piska thaskiy sayay paqariyta hatarichisqaku, patiyunpi hunt'araq san Juan de Dios kikllupi.

Policía chaupi suyunchis runamasinchis hinallataq hawa suyu turistakuna, qhawayta atinku musuq phisqa k'askaykunata chay hatun paqariypi. Técnico umalliq Pedro Flores Condori, willarimum, kay k'askaykuna sayarichisqanqupi qhawachinku phiska ruwaykunata .

Chay paqariy sayarichisqankupi churasqaku hatun papa Francisco Perú Suyunchisman chayamunanta enero killapi 2018 nisqapi, payqa apamunqa allin kausaypaq willakuyta, kay ñak'aeisqa llactaqunaman, hinallataq maypichus kan pisi qulquiyuq llactakunaman.

Chay paqariypi, maypichus sapanqa huchuy runachakuna, títere hina kikinmanta muyurinku, kashallantaqmi allin pelota hayt'ackuna, kashanmi Paolo Guerrero nesqa sutiyuq. Paypa golninwan Perú suyo chayan pucllana Mundial Rusia 2018 Nisqaman.

Hinallataq Cristian Cueva, “rinri” Flores sutichasqa, Cristian Ramos, Alberto Rodríguez, Harkárikuq Pedro Gallesse, tusuyta qallarinku Moscu nisqa takiyta anchiy paqariy hatarichisqapi. Cunan tiempopi, chay takiymi allinta uyarikuchkan Perú suyunchispi.

Yuyarisunman cheyqa, Perú suyuqa wakmanta kimsa chunka pisqayuq watamanta puririshan chay Mundial Rusia 2018 pukllayman. muyuntin atipanakuyman. Chay ch'allayman hamaut´a “tigre” Gareca ukurimun tususpallataq.

Kay huch'uy Tayta paqariypi churallasqakutaqmi Policía ruwayninta, maypichus ch'aqway kaqtin cheypi yanapasqa, estadística nisqamanhina, warmi maqay, warmy sarunch'akuy, warmi wañuchiy astawan wiñaska sapa wata.

Kay sasachakuy llaquikunapi Policía yanapan warmikunata y maqaktataq haph'ipunku.

Kay pisqa ruwaykunaman yapaykusqaku toru maqanakuyta, Arequipa hatun raymi, hinallataq Wititi tusuy. Iskay wata hunt'ayña karun Unesco nisqa Patrimonio Cultural Inmaterial de la Humanidad nisqa título qonsqanmanta pacha.