Playakuna kunan virano visitanapaq Arequipa llaqtapi

Chay bañakunapaq nisqakunaqa ñaupa timpukunamantararaqmi, inkakunaq timpunmantaraq
Playakuna kunan virano visitanapaq Arequipa llaqtapi

Playakuna kunan virano visitanapaq Arequipa llaqtapi

31 de Diciembre del 2017 - 10:36 » Textos: Nelly Hancco/Traducción:Escuela de Idiomas Unsa, Romualdo Huillca

Arequipa llaqtaqa supay visitasqan viranupiqa, sumaq playankurayku. Chay Arequipa playakunaqa manan Camaná llaqtallapichu ni Islay llaqtallapichu tarikun, kashanmi Caravelí llaqtapipas. Kay llaqtakunapin tarikun iskay chunka playakuna.

Hinallataqmi kashan chunka qanchisñiyuq playakuna allin cuidasqa Arequipa Gerencia Regional de Salud nisqa partimanta.

Islay provinciapin tarikun chunka playakuna, chaypin kashan: Punta de Bombón nisqa; Mejía; chaymanta kashan jhatun sumburu nisqa (Sombrerto Grande); hinallataq kashan, rumikuna nisqa; Albatros nisqa; mullindupipas kashan Primera, Segunda, Tercera nisqa playakuna; jhinallataq kashan , Catarindo nisqa.

Llapan kay playakunaqa sirviciukunayuq, bañuyuq ima. Llapa simana tukuytaqa lliumi rinku chaypi bañakuq.

Chayman rinapakqa tirminalpin tarikun karrukuna, simana kumplitun paykuna llank’anku lliu runa apanankupaq.

Piru chay llapan playakunamantaqa, Mejía playakunan sumaqpuni tarikun, chaymi alkaldisa pirsunan Juana Rosa Aspilcueta ñin kay llaqtapin jhamuqkunaqa tarinqaku sumaq ñaupa wasikunata, chaymanta tarinqaku uk jhatun qochata, chay quchapin tarikun imaymana pichinkukuna, may jaru llaqtamanta hamuqkuna.

Camaná llaqtapitaq tarikun uk sumaq playakuna akna sutichayuqkuna: El chorro nisqa; hinallataq La Punta nisqa; chaymanta kashan Las Gaviotas nisqa; jinallataq kashan Pozo Colorado; El Panamitu nisqa, Los Cerrillus, Las Cuevas.

Alkaldi pirsunanmi Jamil Vasquez, paymi ñin llapan playakuna kunanqa tarikun sumaq alchasqa, chaypin llank’anku pichaspa, runatapas cuydaspa ima.

Caravelí llaqtaman rinki chayqa, ancha sumaq lugakunatan tarinki sumaq aqumanta urquchakunatan tarinki. Chay llaqtamanqa chayanki suqta hurasllapin, Arquipamanta pacha, karrupi rispa.

Kay Caravelí llaqtaman rispaqa tarinqui inkakunan bañakunan munay playata, Puyenca nisqa, chaymi tarikun carritira patallapi.

Hinallataq Chala llaqtapi kashan, uk playa Chica sutiyuq. Kay llaqtapi tiyaqkunaqa llank’anku chalwata markunapi hap’ispa. Hinallataq kay llaqtak waqlaruchampi kashan uk sumaq bañakuna, Jihuay nisqa, Atiquipa llaqtachapi. Kay llaqtapiqa markunan kantumpiqa tarikun, jhatun rumikuna qaqa hina kashan, kaypa uklarunpitaq kashan Puerto Inka nisqa. Chay sutitaqa churasqaku, inkakunaq ñanñinta tarispanku, chay ñansi chaysqa qosqo llaqtakama. 

Chay ñanñintas qosqoman chaskikuna apasqaku marmanta chalwakunata, mariskukunata. Chaymi kay playakunapi kunankama tarikun inkakunaq rumimanta ruwasqan wasikuna. Chay wasikunas karan mijuykuna alchanankupaq.

Tirminalmanta lluksinapaq Pasajikuna valin sulisñinpi
Arquipamanta – Islay llaqtaman Chunka pisqayuk
Arquipamanta – Cananá llaqtaman Iskay chunca pisqa sulis
Arquipamanta – Caravelí llaqtaman Kinsa chunka soles